مشترياتي من آي هيرب

السلام عليكم

للي م يعرف موقع آي هيرب هو صيدلية امريكي شهير يوفر اكثر من 35000 منتج ما بين المواد الغذائية الطبيعية العسل و المكملات الغذائية و الفيتامينات و حتى عندهم ميك أب فيزيشان فورميلا و ايلف و ريل تكنيك و بيديليوم تولز و .... الخ

م راح اكتب طريقة الطلب لأنها موجودة كثير ف قوق اتوقع مليتوا من التكرار

رابط موقع آي هيرب 

http://www.iherb.com/

شوفوا الشرح حق طريقة الطلب
  https://www.youtube.com/watch?v=yt-_BNgBgmU

المهم كان من زمان ودي انني اطلب منه بس الحمد لله تحقق أمنيتي طلبت الأحد الأسبوع الي راح و وصلتني الأحد امس عن طريق شركة شحن DHL  عجبني فيهم تغليفهم للمنتجات و حاطين عليها هذيك الأكياس المنفوخة عشان م تتحرك و الشحن دايركت اتوقع و حتى الكرتون اول م فتحته كان فيه اكياس كذا كبيرة حبيت تغليفهم مرة
كان ب 80 ريال
و فيه تخفيض للي تطلب أول مرة و تخفيض بعد ع الي مشترياتها فوق 40$ و هذا كود خصم 20% LWD486 يعني صفقة و لا أروع و أغلب منتجاتهم سعرها مرة كويس , كل منتجات ايلف اتوقع انها ب 3 دولار ❤

نجي لمشترياتي تح كل صورة باكتب اسمائهم ب الانقليزي اذا بغيتوا تبحثون عنها ف الموقع انسخوها اسهل لكم و الأسعار ناسيتها مرة للأسف

 

 

 

 

 

Simply organic cinnamon
Fifty50 low glycemic peanut butter
MaraNatha Dark chocolate almond spread
granola honey oat

من اليمين
قرانولا مرة حبيتها حسيت تنفع مع الحلويات اذا بغيتيها كرنشي بديل للكورن فليكس جربوها
شوكوللته سوداء باللوز < حطوها بدال النوتيلا أصح لكم طعمها حلو بعد مو مرة
فول سوداني خالي من الكوليسترول و السكر
بودرة قرفة < أحبها مع الحليب أو اذا سوينا كرك

Physicans formula Organic wear mascara
Elf Blush Berry merry
Elf watterproof eyeliner pen coffee
Elf mineral lip tint berry

 م طلبت ميك اب كثير حسافة
م اليمين
ليب تنت من ايلف درجته جميييلللة و اللون قوي و واضح
كحل بني
بلشر بلمعة بس اللون يهبل
مسكرة فيزيشان فورميلا من زمان ودي اجرب شيء من هذي الماركة الحمدلله حققت امنيتي

Queen Helene Olive oil masque
Queen Helene aloe vera scrup
Foottherapy Foot scrup
Foottherapy Foot lotion

أكثر شيء تحمست عليه من بينهم هو سكراب الوجه بالصبار لانني جربت الي ب الكاكاو قبل و مرة عجبني

من اليمين


لوشن للأقدام
مقشر للأقدام < م حبيته مرة خفيف حق بودي شوب احلى ب مليون مرة
مقشر الوجه بالصبار للبشرة الحساسة حباته مره صغيرة و م تجرح الوجه حبيته
ماسك زيت الزيتون برضوا خفيف مرة حسيته بس ينفع للترطيب لانه للبشرة الجافة
^ كلهم من كوين هيلين

Kiss My Face Moisture shave fragrance free
Queen Helene cocoa butter
Now shea butter
 
من اليمين
زبدة الكاكاو من كوين هيلين
زبدة الشيا من ناو الشيء الي تحسفت انني م اخذت منه احتياط مرة فرق عن زبدة الشيا الأفريقية ريحتها تجيب المرض و ثقيلة لكن هذي ذوبيها بحرارة يدك و تصير و لا أروع انصح فيها

طيب أكمل لكم هذا الشيء الأزرق سالفته سالفة , كنت كاتبة ف مربع البحث انني ابغى كريم مرطب و شفت هذا قدامي ع طول و م قريت الي عليه بس قريت انه خالي من العطور و .. الخ و شريته , جا ذاك اليوم و خذت منه شوي ع يدي و حسيت ملمسه م كأنه كريم اقدر أحطه ع وجهي !! بعدين اكتشفت انه مزيل شعر يلا م عليه

 

 

Realtechniques Powder brush
Ecotools Flat eye Liner
Elf Blush Brush
Bdellium tools eyes 708
Ecotools Mini Essentials set

من اليمين
مجموعة صغيرة شوفوها قد ايش نقطة تدنن فيها فرشة بلشرو شدو و حواجب جربت منهم قبل مجموعة عين و عجبتني جودة فرشهم من ايكو تولز سعرها اتوقع ف حدود 20 ريال من زود م أنا حابتها الى الآن م فتحتها

فرشة آيلاينر من بيديليوم تولز دايم اسمع بلوقرز كويتيات يتكلمون عنها و تحمست اجرب أي شيء من فرشهم و عجبني لونها

فرشة ايلف للبلشر , جربت منهم فرشة فان برش و ايلاينر جودتهم م  عليها  مقارنة ب سعرها بس شعرها ينتفش
شورت شيدر برش من ايكو تولز الفرشة هذي احبها لخط الرموش السفلي

آخر شيء الفرشة الجميلة من ريل تكنيك من زمان خاطري فيها و الحمدلله شريتها اتوقع ب 40 ريال

 

 

 Queen Helene aloe vera deodrant
Cococare Moroccan Argan oil
Nubian African Black soap Body wash
Madre labs unscented hand cream
Alba Botanica hawaiian sunscreen Spf45

 

 

هالمرة تغيير نبدأ من اليسار

 

ديودرنت من كوين هيلين بالصبار< م تلاحظون علقت ع هذي الشركة
زيت الأرقان كثير اسمع عن فوائده للبشرة و الشعر و الأظافر

شاور جل الصابون السوداء الافريقيه ,جربت الصابون الصلب و كويس ريحتها مو شينة بس حسيت انه يجفف الجسم رطبوا بعده ضروري

كريم اليدين الي فوق كلما تشترين شيء يطلع لك تحت اشتريه و بيطلع عليك خصم ع سعره الاصلي بدال 4 دولار يصير 2 دولار اعتقد ب زيت الارقام , ريحته شينة عرفت ليش يبغون يفتكون منه

واقي شمس بنسبة حماية 45

 

 

Ecotools shower cap & storage case
Swisspers organic biologique

 

من اليمين

قطن دوائر

شاور كاب احطه شعري اذا حطيت ماسك , من ايكو تولز

 

 

 

 

مع الطلب جاني هدية مغلفات الشاي هذي و مسطرة بلاستيك نسيت اصورها .

 

 

 

تقييمي للموقع 1000000000/100

و اكيد ب أطلب منه ثاني باذن الله

 

انتهى .    

 

 

 

ميك اب صباحي

السلام عليكم


راح أتكلم في هذا الموضوع عن الميك اب الي ينفع للصباح صح ان المنتجات راح تشوفوها كثيرة بس نتيجتها ع البشرة طبيعية جدا


أقول لكم شيء بس م تضحكون ؟
أصلا ان الميك اب حقي اغلبه صباحي حتى ف الليل يعني وش السبب مدري ؟ عشانني احب الشيء الطبيعي ي رب انني احب الالوان الغامقة امنيتي اتجرأ و أحط لون غامق ف مناسبة دايم احط بعديان ارجع امسحه احس شكلي غلط  ツ


ملاحظة
قاعدة عامة لان الخطوات الي تحت مو مرتبة ف اقول لكم اول شيء ابدأي ب مكياج العين بعدين الحواجب  بعدين الوجه و اخر شيء الروج .

طيب نبدأ

1-

اول م تصحي الصباح اغسلي وجهك بغسولك المفضل و اذا بشرتي دهنية اخلطي شوي مقشر مع الغسول < هذي الحركة تسويها سندس القطان , بعدها حطي مرطب لشفايفك و مرطب لوجهك بعد , توضأي و روحي صلي و أقري أذكارك و اقري لك ع الاقل لو صفحة من القرآن عشان ربي يطرح لك البركة في يومك ❤



2-
بعدها حطي واقي شمس اذا البي بي كريم الي راح تستخدميه م في نسبة حماية و اخلى بي بي كريم جربته هو هذا حق ايتود هاوس و اللو فيه ان فيه نسبة حماية من الشمس 30 درجة . الدرجة فاتحة علي بس اضبطها ب فاونديشن من برجوا

تكلمت عنه كثير هنا و في الانستقرام بعد و بما أنه صباح فحلو يكون وجهك فريش و انا احب الديوي لوك اخلط شوي مع البي بي كريم هذي اللمعة المائية من ايتود هاوس مرة حبيتها واذا خلصت اكيد ب أشتري غيرها

اسمها واضحة ف الصورة انصحكم فيها مرة تجنن و مو خسارة فيها و لا ريال و الله ❤

زي م قلت لكم بما ان البي بي كريم فاتح احط شوي منه و شوي من فاونديشن برجوا الغامق و شوي من الاضاءة المائية

أخلطهم في هذا الشيء و فيه ب انجلوت عارفة بس هذا بديل ارخص و بعدين بالبيوتي بلندر او اسفنجة ريل تكنيك او اف ثمانين من سيقما الي يريحك  , اذا بشرتك دهنية ثبتيه وجهك ب باودر انا بشرتي مختلطة اثبت التي زون ب باودر احب البنانا من بن ناي او حقت ريميل كلهم حلوين

كونسيلر تحت العين الي ف الصورة رهيبين و مرة خفيفين ع البشرة خصوصا حق افون لونه مايل ع اصفر حق ريميل فاتح علي شوي بس حبيته و اثبته طبعا ب باودر اذا خلصت


3-
مكياج العين حاولي قد م تقدري يكون ناعم و خفيف ف نفس الوقت شفت مقاطع ع اليوتيوب انهم يحطون شدو نفس لون جفونهم ع كامل الجفن و لون غامق ع الكسرة بس انا حاطة ف بالي انه صعبة احط شدو الصباح ツ او برونز الي تحطينه ع وجهك تحطينه ع جفنك طرق متنوعة كلن والي يرحه , م احط أي لاينر الصباح .

4-

بالنسبة للمسكرة عندك خيارات كثيرة استخدمي الي تحبينه بس انا احب هذولي مرة للصباح و سعرهم ف متناول الجميع

من اليمين :
لوريال فوليوم مليون لاشز تطول بس  94 ريال اتوقع > سعرها غالي ع درق ستور
مايبلين ون باي ون روعة انصح فيها تطويل و كثافة بنفس الوقت > 54 ريال
كولور تريند من افون > 30 ريال الظاهر نتيجتها طبيييعية مررة

قبل م احط المسكرة اعكف رموشي و مرة تفرق بصراحة لانها ترتب الرموش

هذي من بودي شوب ناسية سعرها بس مو غالية

5-

ع خط رموشي السفلية احيانا احط كحل بني من قولدن ليدي و اموهه ب فرشة ريل تكنيك , او فرشة سيقما E15 هذي اكثر فرشة استخدمها مع شدو من ميك اب قيك موكا اللون واضح و ثابت شدواتهم روعة انصح فيها , و عند مدمع العين شدو من ميك اب قيك اسمه شيما شيما لونه لؤلؤي استخدمه مع فرشة صغيرة مرة من كوستال نسيت اصورها ツ

 

 

داخل العين كحل بيج خطوة مرة ضرورية بالنسبة لي يعطون وسع لحجم العين من اليمين ريميل بعدها حق تارت ❤

6-  

الحواجب لا تستعملين شيء ثقيل الا اذا كانت حواجبك مرة خفيفة ف افضل البودرة للصباح طريقة الرسوم و روتين الحواجب تكلمت عنها ف تدوينة قبل

فرشة ب جهتين جهة لوضع اللون وجهة لتمشيط الحواجب هذي الفرشة من تارت جاية مع الجل و في ب سيقما زيها احب باودر نيكس درجته جاية ع رمادي تبين طبيعية معها فرشة داخل بس م قد استخدمتها اذا خلصتي و رسمتي مشطي حواجبك و ثبتيها بمسكرة حواجب شفافة او ملونة الي يريحك ون طفي حواجبك ب كونسيلر و حطي تحت شدو مات بيج او زي لون بشرتك


7-
البرونز يعطي دفىء للوجه و نظرة حلوة مرة مهم للصباح و احطه ع شكل رقم 3 بالانقليزي ع اطراف الجبهاة و تحت البلشر و نهاية حدود الوجه و أطراف الانف  استعمل للبرونز فرشة اف ستة او اربعة و ثمانين نسيت و الله دايم انسى رقمها  او ب أي فرشة مسطوغة عندك الي ترتاحين له لا تتقيدين ب شيء معين

هذولي التوب بالنسبة لي من تو فيسد مرة جميل و فيه ثلاث درجات مرة اقدره بشكل , حق شانيل برضوا كويس بس مو حلو يوميا لان فيه سيلكون , حق اتش اند ام مرة م بين ع وجهي طلع فاتح علي مرة .


8-

البلشر الالوان الصباحية مرة متنوعة عند البي بي بينك او الكورال او البيج ا تحسيه مناسب ل بشرتك م يمنع انه يكون فيه شيمر خفيف  للباودر فرشة ريل تكنيك و للكريمي ستبلنق برش من سيقما او ريل تكنيك او ايلف

 

هذا من سيقما اسمه ميلو رهيب لازم تجربونه لونه طبيعي و يهبل شريته من من موقع فانيلا

انا صايرة هالايام استخدم حق تارت كثير الوانه كلها تفتح النفس 4 لون من اليمين يهبل للاسف انه ليمتد ايديشن الحمدلله انني لحقت عليه

او بلشر كريمي يثبت اكثر حلو هذا من ذا بالم و حقات نيكس برضوا كويسة العام كنت هابة في حقات ريميل السئلة الوانها كانت روعة

9-
اخر شيء الشفايف في عندك خيارات كثير تنت , روج , مرطب ملون , ليب لاينر

هذولي مرة حلوين وفيهم لون بيني تنت كلكم تعرفونه م له داعي اتكلم عنه

هذولي الليب لاينر مرة حلوين للصباح
من اليمين ويرل من ماك , سور من ماك ,  انقلوت 24 , ناتشورال من نيكس

ذولي الالوان للي يحبون النيود من اليمين تارت كان جاي مع مجموعة , ماكس فاكتور160 , نيكس

و هذي الألوان للي بحبوا الوردي من اليمين : ماك بليز مي , تارت , لوريال مرة خفيف , نيكس ايرو تراش > وش يحسون به ع ذا الاسم

الألون الكورال من اليمين : ويت اند وايلد 903 , تارت , تنت من ايتود هاوس , ماك كايندا سيكسي

و بس .